呢次去, 已經識行識走, 但就好似鄉里出城咁,
見到噴水池就係到大叫, 真失禮
家姐就只係記得上年去時, 去過的INDOOR PLAYHOUSE
之前澳門遊BLOG LINK:
與仔女同行旅遊
原本今年無考慮呢個短遊, 原本約好朋友一家去台灣,
點知佢有佐, 旅遊取消, 但成就了呢個2日1夜以小朋友為主的遊程
買了套票11點半船去, 6點半船返, 有足夠時間之餘又唔太趕
大家請注意, 1歲以上小朋友需要購買船票的,
所以我家細佬都有一個位坐
到佐澳門氹仔碼頭後, 第一站係澳門科學館
記住記住, 絶對要享用各間酒店的穿梭巴士
我地搭到最附近的酒店, 再行大約20分鐘
11月頭都仲未凍. 但有著微微涼風, 去前2日轉涼,
點知去澳門2日都曬到無朋友
科學門口呢棵心型樹, 好多新人去影相呀!
好希望你地相親相愛, 但實際細佬唔多比家姐拖住行
好啦, 講返行程, 科學館裡面已經有一個兒童遊樂區
有滑梯, 有幼兒區, 3個玩佐一輪, 唔捨得離開
黎個中間休息, 細佬要食返個TEA
跟住我地買佐飛入場, 大人25MOP, 小朋友15MOP
入場後, 有好多唔同展區, 但對呢2位只有4歲及4歲幾的小朋友,
遊戲類會岩佢地多啲, 一啲學術性展品, 佢地未會識
有 SPORT SCIERENCE
SPACE
工程類
SOUND
環保節源
真係好多唔同野玩同睇, 結果我地足足停留佐係科學館有5個鐘
跟住返哂店CHECK IN
再跟住就係去開餐啦, 朋友揀佐一邊5歲以下唔駛收錢的,
雖然食品種類未必有太多選擇, 但對住大個小朋友,
呢到已經夠了, 說實話比錢2個都食的話唔係問題,
但佢2個係比佐錢唔係點食先係最大問題
家姐主食同品各一ROUND
細佬由頭食到落尾, 吃貨本領真係好大,
連朋友都話細佬賺佐
食飽上2層去玩具鋪睇同玩玩具
咁樣一玩又大半個鐘
跟住出去行下新地標, 澳門巴黎人個鐵塔
澳門地方大, 真係好多大建設黎吸引遊客
行完就返酒店訓了
第二朝起身, 食佐個HEAVY BREAKFAST 就去大三巴,
因為我話家姐連澳門地標都未去過, 比人笑,
所以專登行佐一轉
因為前排電視成日賣廣告, 婆婆話去開就買海鹽味花生
最後行程, 原本諗住PLAYHOUSE去玩,
但只剩一個鐘多啲要坐車去碼頭,
諗住偷雞去新濠影匯個公園玩, 可惜呢次已經唔得了
唯有去8字摩天輪下走下跑下玩埋去坐車去碼頭回程
臨走同到BATMAN 影相呀!
回程時細佬乖乖坐足全程, 期待住我地12月尾跨年台灣遊
溫馨提示
証件:
基本上離港的話,
基本上出入香港境 PASSPORT 搭身份証
返國內就加回鄉証,
申請特區護照時會同時申請埋身份証,
點解要一齊用, 理由好簡單, 因為身份証無相,
而PASSPORT 上有相, 但過得1年, 已經完全唔同晒樣
所以兒童PASSPORT 5年就要換一次
預算用品:
**衣帽鞋襪必備, 仲要帶多定2至3套不時之需
**奶樽尿片, 就要睇返小朋友有無需要,
長短途同地區都係考慮帶幾多野之一,
如果講緊去亞洲區自由行, 尿片其實可以唔駛帶太多,
可以到當地先買一包黎用, 但反之, 跟團去郊區, 帶多好過唔夠用
**食水, 小朋友腸胃唔太好, 建議帶定啲去, 溝住黎飲,
**應急葯物, 出門前去睇醫生預備啲傷風, 肚痛, 止嘔退燒葯
BB車:
BB 車我覺得5歲以下小朋友, 都必要帶埋一齊去旅行,
因為佢地訓佐要抱佢地好甘, 倒不如羅部車去推下袋都好
基本上航空公司都可以幫乘客將BB車寄倉,
可選擇係行李寄存時一齊寄, 但絶對唔建議,
寄完倉起碼仲有成個幾2個鐘先上得機, 唔好搵自己黎玩,
只要寄倉時同靚靚空姐講會有BB 車寄倉,
佢地會比相關用品你, 例如係航班標貼, 大膠袋,
到上機閘門前先交比空姐, 咁你落機無耐, 就可以用返部車,
唔駛去到輸送帶先羅得返
另外一提, 有啲地方機場人員, 會先安排有BB車家庭優先上機,
如果你部車無跟住你, 你就享用唔到呢個優待啦!!
飛機上:
訂機票時一定再同航空公司確認有訂到兒童或嬰兒飛機餐,
唔係你比O既機票錢就蝕佐啲啦!
**小禮包, 以我所知, 航空公司會有準備小禮包比嬰兒同小朋友,
點解, 機程裡面可以比佢地解下悶, 唔好影響左右隔離
酒店:
訂酒店時要通知佢地有小朋友或嬰兒同行,
可能要求DOUBLE BED 唔要TWINS BED, 方便一齊訓,
嬰兒床多數都會可以準備到, 有啲酒店好到連STEAMER 都有,
要睇返酒店方便配套
以上只係我個人經驗得出的, 一定更多媽媽有其他更好及更多的好貼士
最緊要PLAN 個以佢地為主較多的行程, 咁樣就大人小朋友都開心晒啦!
想睇更多 2A o既相, 可以LIKE 黃家 2A 的快樂日誌 FB 頁
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
She Blog: http://blog.she.com/buzzqoo/
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/
沒有留言:
張貼留言