社區共建遊樂場@中西區海濱2016 @ 20-11-2016

朋友介紹下, 叫一齊登記去玩呢個社區共建遊樂場@中西區海濱2016,
3個家庭登記佐一共20個入場名額, 5家一齊去玩,
呢個活動上網登記, 但基本上1分鐘內已經會full, 我覺得我地好犀利

認識社區共建遊樂場之理念： 

明白到孩子天生愛嘗試、愛冒險、愛奇特新意的特質。
智樂在場內特設「卡板方陣」，以不同工具無限延伸，
另備各種可供隨意變化的物資，
如汽水箱、車輪、框架、紙板、紙箱及喉管架等，
讓小朋友發揮想像任意配搭，變化出一個符合兒童天性、屬於孩子的遊樂場。

遊戲的主角是小朋友，家長可盡量配合小朋友的玩法，
並提供空間讓小朋友自由選擇及自我主導遊戲，不要催促小朋友的遊戲進度。

場地在豐物道海濱

入到場, 真的要學懂放手, 唔係小朋友咩都玩唔到

細佬坐個膠箱比我拉住行, 已經好開心

係到玩, 有機會掂到木, 用鎚仔, 玩到一身塵

但家姐真係好開心

經爸爸們, ,姐姐哥哥的合作下, 砌佐一間屋仔

呢5位小朋友, 你地要一齊開心成長呀!

跟住又砌佐千秋, 但限於小朋友

好彩家姐唔重, 都玩到

去到最後仲砌到個穩陣啲千秋

呢個家姐好想玩, 電視見得多, 當日終於玩到


呢類活動, 媽媽真係真係真係要放手, 唔係會失去過中樂趣

有興趣想了解及參與playright 活動, 可以考以下連結
http://www.playright.org.hk/tc/whatshappening.aspx

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
She Blog: http://blog.she.com/buzzqoo/
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

Marathon 2016 親子同樂跑 @ 20-11-2016

11月同12月的星期六日真係好忙, 節目差唔多個個星期都有,
岩岩個星期六, 家姐參加佐校際英文兒歌比賽, 去佐蒸煮新體驗,
星期日就一早參加Marathon 2016 親子同樂跑,
下晝去社區共建遊樂場@中西區海濱2016, 真係一個接一個

Marathon 2016 親子同樂跑, 其實之前係科園參加過相類似的
今次活動地點係西九龍長廊, 由九龍站步行到場地大約15分鐘,
主辦單位都有安排穿梭巴士往來



因為好多家庭參加, 所以根據報名次序唔同時間起步,
原來家姐係9點半起步, 但遲佐到, 由於呢個係唔計時,
最後同埋朋友仔一齊起步

出發前影返張相先啦

場地內有一啲攤位, 有遊戲玩送小禮物

好啦, 開始啦!

沿途有不同的充氣障礙





爸爸們加油呀!



相對上次科學一次直路, 西九龍呢到會令到一啲心急小朋友受傷,
因為項目與項目間, 需要跑轉彎石屎地

2位小朋友話嬴佐杯雪糕開心過有個獎牌羅


想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
She Blog: http://blog.she.com/buzzqoo/
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

Tommee Tippee X 生活易 的 靚媽蒸煮新體驗 @ 19-11-2016

感謝幸運之神經常在我左右,
今次有幸抽中了Tommee Tippee X 生活易 的 靚媽蒸煮新體驗,
雖然蒸煮期對我家的大小姐及大少爺其實已經過,
但蒸的食物對佢地黎講應該會係健康啲,
油的用量已經少好多, 我亦都好想知部蒸煮機的好處
所以報佐, 碰碰運氣!!!

而家有呢類型活動, 我都會問爸爸都想唔想參加,
一問之下, 佢話好特別, 不如去睇下呀, 多謝你的一同參與

當日又有時間失誤, 我地又要遲到,
原來準時的我, 現在因為鎖碎事, 而令我時間上計錯晒數,
對各位的影響, 真係唔好意思呀!

呢個體驗由註冊營養師Katrina主理, 佢有一對孖寶,
應該都有好多媽媽都認識Katrina,

 以下係佢FACEBOOK PAGE 連結,
各位媽媽可以LIKE佐緊貼新消息及新食譜
https://www.facebook.com/DietitianMama/

係開始蒸者體驗前, Katrina 簡單介紹了一些嬰幼兒食品營養的講解

食品絶對會影響便便, 所以我地都要留意選材

如果真係無便便, 可以參考下

餐單設計, 可以參考飲食金字塔去編配

設計餐單的考慮材料

建議食譜

食物同樣地會影響嬰幼兒的免疫能力

呢啲食品都可以幫到我地免疫力打底, 可以的話就耐唔食下

奇異果係好好選擇, 原來佢O既維他命C多過橙2倍, 係蘋果20倍

仲有好多可以揀呀

鐵質對我地都重要, 唔好忽視

建議食譜

燉洋蒽都免疫都有幫助, 仲有好多媽媽會係咳時燉, 話可以止咳

好啦, 簡介完, 開始體驗啦!
首先當言係準確備好材料先啦

跟住幫部Tommee Tippee機加水, 加入食材, 設定功能及時間

Katrina放好晒材料蒸煮時, 我地都開手切食材同試下部Tommee Tippee蒸煮機
有啲家長可能會問, 點解家姐咁細個我比佢揸刀,
其實無野係一開始會識, 只要小心同安全情況下, 我會比佢試

到我地加水同加材料啦

家姐都可以應付到呢啲小工作, 在於佢地眼中,
已經係做佐好多野, 覺得自己好叻

我地整呢個係秋葵粟米雞蓉藜麥, 適合12-18個月大BB
材料有粟米, 雞肉, 秋葵, 藜麥, 仲有少少植物油, 真係好簡單

吃貨細佬等食中

運作中

2個係到攪攪震

好啦, 完成啦, 蒸完之後, 直接打碎埋就食得啦

細佬食得好開心喎

好多謝Tommee Tippee 的細心, 每個家庭都有份小小禮物

最後黎返張大合照


蒸煮機用後感

家姐同細佬我地2個無蒸完再打碎食物, 個人覺得, 粥已經係煲到爛,
如果再要打碎, 跟本訓練唔到佢地腸胃去適量加固後的負荷,
相對口感同咀嚼方面都會受影響, 到而家細佬1歲多,
我地都係剪細粒去餵食, 但我發現蒸煮機可以方便佐我去煮餸，
有2位以上小朋友媽媽們感受到，又要安排煮野食，又要睇實佢地，
再加上我一向伙食都係婆婆的愛心餐, 無飯主婦一名, 一星期只有星期六日係我煮,
時間真係一日48個鐘都覺得少, 用佐Tommee Tippee蒸煮機,
只要加水入機, 放入食材, set時間就攪掂, 火都唔駛睇,
時間到就有得食, 明火都會驚唔記得佐, 同埋簡易到連家姐都可以用到,
爸爸們應該無藉口同媽媽講唔識煮野比仔女食, 我呢啲零煮食知識的媽媽,
都覺得輕易上手, 無人所有野一出世便識, 但一定要嘗試,
除蒸煮野食外, 都仲有打碎功能, 小的bb可以輕微打碎黎食,
亦都可以用黎打果汁, 一機2用, 真係好方便, 拆洗我都擔心麻煩,
當日見到靚靚姐姐們, 拆出底部的打碎刀, 就可以輕易清洗,
比起早年拆唔甩的刀片攪拌機, 又怕洗時界親手，真係進步佐好多

到呢刻2個咁大, 我都有啲心郁郁想帶部返屋企,
令我可以慳時間同更輕易煮野比2位老闆食,
蒸煮時間最長可以有30分鐘, 平時明火蒸都係咁上下時間,
攪拌功能最短可以設定做2秒, 輕輕打碎, 我可以慳埋剪肉呢個步驟
咁買唔買好呢...............
非常感謝 Tommee Tippee的禮物, 岩晒細佬用,
點知佢地仲預埋比家長們, 真係好細心呀!

想了解更多Tommee Tippee的蒸煮機, 可到以下網址
http://www.tommeetippee.com.hk/steamer-blender/
另外還有FACEBOOK PAGE
https://www.facebook.com/TommeeTippeeHK/?fref=ts

再次感謝 Tommee Tippee 及 生活易 ESDlife 生活易合辦的體驗班,
令我可以親子同家姐一齊整下野食外, 可以給爸爸們機會去體會及減輕媽媽們的負擔

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
She Blog: http://blog.she.com/buzzqoo/
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/