葵芳商場的放電遊樂場

而家好多商場都有設兒童遊樂場於平台層,
呢次帶佐家姐路經葵芳新都會廣場,
因為咁岩家姐未夠鐘上跳舞堂,

係5樓, 2邊出去都有, 放電真係好一流

又要睇住家姐, 又要睇實細佬, 當言係細佬玩得少好多,
真係對唔住細佬啦!


想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

平玩積木玩具

LEGO 係好多爸爸都玩過O既玩具,
而呢件玩具真係五十年不變, 好好玩, 大人細佬都岩用,
隨住年代進步, 可以砌出黎O既款式有好多,
但往往睇住小朋友佢地唔見一件唔見一件,
炒價買返黎的話, 都幾赤呀!

朋友介紹下, 淘佐2盒平版比家姐玩

質數上, 唔係太差, 接合位都可以接受

家姐自己都可以砌到

大個盒爸爸陪家姐砌, 爸爸話有件啤得唔靚, 同埋一粒SPARE 都無多

但完成品都好靚, 最緊要係佢價錢抵玩

有興趣媽媽們, 可以上淘寶睇睇, 有好多款式選擇,
男仔款的車呀, 城堡都會有


想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

揹帶?? HIP SEAT?? 邊樣好?

除佐BB車外, 揹帶都係媽媽們必備品
同樣地, 款式多, 價錢, 牌子都有好多唔同選擇,
點去揀呢? 呢個好個人選擇, 分享下我用過啲咩款式先

家姐時, 真係咩都唔識, 衝入鋪頭見到邊條款靚色正就揀邊條,
同樣地, 又係中晒招, 到後期先知要睇餸食飯, 要求要咩再去揀

初生時, 因為要打橫揹, 唔係影響佢地背脊骨, 咁就一世,
家姐時好嚴守, 打橫揹到3個月, 雖然家姐係細粒,
但去到3個月其實都唔輕, 揹到個膊頭好痛
呢條揹帶可以4用, 平瞓打橫, 面向媽媽, 前向, 同揹係媽媽背後,
品牌野, 所以絶對唔係平貨, 打橫揹後, 只係用佐黎打直揹家姐好短時間

跟住2012年已經開始引入佐韓國的HIP SEAT,
我呢啲成日上網, 見到有新野心郁郁就買佐了,
5個月或識坐後先好用, 但而家見好多BB 出世無耐已經用, 但最好唔好羅
呢個係好舒服, 只係apply 係bb唔重時,
到家姐1歲多, 揹得耐, 條腰都好痛,
好係邊, 揹佢地o既力係腰部分擔佐,
bb 們坐得舒服, 前向或向媽媽都可以, 甚至揹背後都得
早期只有單肩款, 過多一年多, 出埋雙肩款
但hip seat 唔係每位媽媽都合用,
要買前去試試先, 頂盤骨其實頂得好犀利

後期買佐呢款kidcarry, 抱一抱落街好方便,
膊頭同腰分擔bb 體重

跟住家姐都大佐, 無再用揹帶,
比得就比人, 放得就放佐, 所以細佬時要買過揹帶

上網睇過好多人話條Ergobaby 360 好用,
但正版過千, 已經唔再捨得買貴野,
又上淘寶買, 200蚊人仔到,
呢條揹帶包得好貼, 細佬滿月後短時間揹,
我都會用佢打直揹, 長時間我都用返橫揹的
大佐啲可以前向, 當時有後悔唔買正版, 因為唔知咁好用

歲用催殘, 因為幾乎日日都用, 殘得好快,
於是上G Market 買佐而家呢條 todbi,
力點一樣係腰同膊頭分, 但佢可以前向,
港紙大約400蚊, 我, 爸爸, 婆婆用過都話舒服
唔用時可以摺起, 掛係bb車同入袋抽住好方便
到而家細佬就黎1歲半都仲用緊, 當言長時間揹都係會攰,
只因佢地越黎越重, 又越來越長頂住睇路行


以上只供參考, 媽媽們按自己要求去揀吧!


想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

BB 車的選擇

我係一個不折不扣的車控, 我認,
所以家姐同細佬都坐過好幾款不同的BB 車,
要買BB 車的媽媽們真係要考慮清楚你想要咩先好去買車
好多時用落先知揀錯車同亞B唔肯車情況

媽媽們可以諗下以問題, 再睇下自己係需要部咩類型車仔
~你想要部咩用途的車?
~BB或者小朋友幾大?
~重定輕身?
~可唔可以平瞓?
~單定雙手收車?
以上有答案, 你就可以對準目標去揀BB車啦!

其實媽媽們都係想去行街舒服啲, 唔駛抱住亞B,
出生頭2個月, 出親街, 個個都爭住抱,
BB車用途係放袋同換下片, 真係用時間係超短,
如果唔係有朋友比車仔, 建議可以等BB 大約3個月時,
帶埋佢地去試車, 避免佐好多媽媽話的, BB唔肯坐情況出現,
仲要唔係試一次, 最好試多幾次, 一田, 千色, AEON 呢啲,
應該大部車款都有DISPLAY, 可以慢慢試岩先買

小朋友大過2個月, 我個人覺得唔需要平瞓車,
我2個都有用枕頭, 所以其實一出世已經唔係平瞓,
如果唔需要平瞓車, 選擇有更多

重定輕身, BB 8個月大前, 我諗媽媽們都係要求要車身重, 因為穩陣啲,
過佐11至12個月大, 因為開始行, 媽媽們可能需要一手抱B, 一手攞車,
呢個時間一定係揀部輕身方便自己

單手定雙手收車, 如果多數有爸爸同行, 可以揀雙手收車,
反之媽媽同BB單對單出街多, 最好揀單手收到車

以上都係大家參考下, 自己想揀邊一邊, 覺得鍾意就 GO FOR IT!

家姐時, 第一部車仔係朋友比,
COMBI 的, 呢款單手收到部車摺起,
但收完仲要對摺, 收到上車, 落車都開唔返

後來因為覺得輕身, 自己去買佐部自己覺得好正O既車,
結果同想像中有點出入, 所以以後朋友買車都叫佢考慮清楚先買
呢部COMBI 車顏色設計其實唔太差, 重大約6KG,
開頭我地無諗過輕重問題,可以平瞓, 但無平瞓過,
單手及底籃有野都可以收到車,
可雙向, 但調轉佐頭要時間去了解點推,
因為調佐車杆後, 變佐後輪先可以360度轉,
攞彎位時要控制後輪黎轉, 買時只係諗, 可以向住我都幾好喎

CHICCO 呢部車, 因為大車籃而揀,
婆婆要帶埋家姐去買餸, 又唔可以邊推車邊攞餸,
呢部避震好好, 穩陣, 又裝得多野,
習慣佐用腳幫一幫, 都可以單手收到車
呢部其實唔錯, 坐位闊落全蓬, 穩陣O既車, 都唔會係輕身

到家姐差唔多1歲, APRICA 出佐部2.9KG,
呢部真係好好好用, 我單手抱住家姐,
都可以單手收車, 攞上巴士, 完全無問題,
就算到我陀住細佬, 都一樣好輕鬆
後來因為去完旅行寄倉攪到部車花佐,
而我又CLAIM 到錢, 結果, 我補錢換新車

同樣地換返APRICA, 但呢部係日版,
仲要輕佐0.1KG, 揀佢原因係香港無紫色,
點知一訂完返黎, 出佐港版

P3呢部車我想擁有好耐, 到細佬出世前我平價買佐部2手,
因為我預計只用頭3個月, 呢部車非常穩陣,
重成7KG, 有企位, 係我其中睇中的一點,
但原來要將背位拉到好直先得,
去迪士尼成日, 我就帶呢部車, 等細佬可以瞓得舒服啲

到細佬識坐, 又興起係淘寶買呢部VOVO,
平玩心態, 家姐同細佬都坐得舒服, 又好推,
摺得細, 可以調較至160度斜度, 因為都實正, 所以部車都唔輕,
收車第一下要雙手收推車扶手位,
跟住可以單手收到車, 呢部車係好多人去旅行之選,
貪佢可以放上 OVER HEAD LOCKER,
亦都有媽媽話呢部車開始都要寄倉, 可能係個別航空公司唔同

呢款車我見到出佐改良版, 收車類似COMBI 款,
單手可以收到同摺得細, 媽媽們可以上淘寶望望

到細佬1歲, 可以換返輕身車, 咁樣出街, 可以攞得方便,
而佢地又可以坐下唔駛我地成日抱住
買佐部2手Quinny Yezz, 坐位一幅過,
拆洗都方便, 可單手開收車, 家姐同細佬都坐得舒服,
但椅背無得調低, 瞓著就中中下, 重大約4kg多啲,
岩岩去台灣, 我揹住細佬, 一手拖住家姐, 都可以單手應付到攞住

全球暫時最細的Pockit, 真係摺到好細,
但係BB重身的話, 部車推起就覺得部車唔實正咁,
買呢部車係我想家姐坐少啲, 佢可以調低扶手,
家姐可以幫手推下細佬, 咁樣可以叫佢唔好坐
買時我只見到淘寶有新版可調低椅背款,
但爸爸話唔知係咪國內自行研製, 叫我唔好買,
最後搵佐好耐先比我搵返第二代的車,
原本想買牛仔布色, 但已經斷晒貨,
最終係反斗城比我搵到有粉紅色, 照殺, 男仔坐都好好睇呀!
不過2代就唔可以拆洗, 3代係可以的


以上係我車控的意見, 媽媽們岩用可以參考下,
士的車摺起係細部, 但係其實佢一啲都唔輕身,
部部都4至5KG, 但勝在有D 價格抵, 平用係好好選擇

可以話, 真係帶埋BB們去揀車, 我而家手上得返QUINNY 同POCKIT,
呢2部車, 家姐同細佬試上有5至6次以上, 細佬坐上去唔扭我先買
價格方面, 可以睇岩款, 等各大公司做特價先入貨,
有啲樓上鋪都會提供公價8折的購物優惠, 格下價, 做個精明慳錢媽媽,
希望媽媽們買到岩心水, 岩用, 抵用的BB 車


想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

兒童快報Facebook有獎遊戲 - PSYGene DNA兒童人格基因測試

早前, 又抽中野, 係, 無睇錯, 係又抽中,
好多謝幸運之神常在我左右, 令我試到好多野,
呢次抽中佐兒童快報的Facebook有獎遊戲,
PSYGene DNA兒童人格基因測試

我相信好多媽媽都有聽過關於兒童人格測試,
例如皮紋測時係其中一種,
我同爸爸2個都唔太信命理可以改變個人太多,
所以2個老細名我地都係自己改自己喜歡的,
英文名只揀一啲比較少人改的, 所以有人唔識叫家姐個英文名,
中文都有人讀錯, 唔知可以點呀!
所以我地無睇相, 無搵師傅改名, 無做皮紋測試

呢次抽中佐的PSYGene DNA兒童人格基因測試,
都係因為抽中試下心態, 聽完解釋, 了解多了一點家姐的性格

首先約佐上去佢地OFFICE了解呢個測試

有啲小冊子同簡單講解, 測試結果可多於14種人格

測試只需要口水樣本, 為免有野影響個結果,
朝早一醒採樣本會比較好

需要採2支, 一支測驗用, 一測做對測CONFIRM及後備
佢地會準備好全新乾淨的棉棒, 同有專用紙盒,
好硬身的, 保持樣本於運送間唔會接觸到其他野而受污染

同時要填一份問卷, 問卷建議由6歲以上小童親自作答
但我相家姐能夠表達自己, 所以我協助下同佢完成佐呢份問卷

測試期及報告大約需要一個月時間
因為12月底我地好忙同外遊, 到1月頭先羅到呢份報告
當日因為要同家姐換PASSPORT, 所以順手一齊出去聽

報告裡面都解釋呢個報告係用測試者的DNA基因去測
透過口水抽取DNA, 於實驗室裡排序DNA, 用生物資訊學分析測試者的SNP
再用序列方法比對行為特質同SNP 同基因, 計算出價值及結果

下圖就解釋到, 每有一種SNP 唔同, 就會影到唔同的OUTPUT

好啦, 好啦, 開估家姐係咩基因人格前,
我有估過家姐的各種人格屬於高中定低,
我估家姐係感情豐富, 創新, 自信, 社交能力屬於較高
隨遇而行, 樂觀, 冒險, 抗壓性, 冷靜屬中
享受生活, 果斷, 深思熟慮較低

結果係..................

解釋結果比我聽, 佢地同事話見到個圖表都幾擔心,
感情豐富, 抗壓性高,
但自我認識, 果斷, 自信低,
咁樣怕佢日後唔清楚自己方向,
但好彩冷靜度同深思熟慮未到最低, 尚可幫佢解決問題
樂觀方面佢不算太差, 如果唔係佢好可能係一個悲觀主義者

睇埋個SUM UP 報告, 其實都不算太差,

在乎於自己同別人的感受, 需要得到認同,
思想正面又快樂的孩子

頭腦冷靜, 容易集中思考, 不焦慮, 可以面對逆來順受,
但冒險性同隨遇而安(直角性)較低, 要我們多放心比佢試

家姐的自我認支不足, 要我們多鼓勵, 及提及她的優點
傾向執行多於策劃, 建議鼓勵多接受新的事物

生理需求係講緊物質生活, 要唔要成日黏住父母
家姐呢方面要求唔高, 滿足擁有的,
但因為比較獨立, 所以要多同佢傾心事

上面圖表係問卷出黎O既結果, 各方面都比較平均,
希望家姐日後都同呢個圖表差唔多就好了

總結, 令我了解到家姐的無時停係基於佢過於感情豐富,
要舒發晒出黎先可以停落黎,
一係我就KEEP HER BUSY, 因為佢抗壓性高,
可以乖乖地咁完成啲 task
同時我要同佢多溝通傾計

再次多謝 兒童快報 及 心格基因

有興趣媽媽可到以下網址了解
http://www.psygene.hk/

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

「媽媽集氣」開胃蕃茄肉碎字母粉

我從來都係一個"無"飯煮婦,
因為家姐同細佬來臨, 迫使我要煮野比佢地食,
其實我煮野食都未至於地獄廚神, 但一定不及婆婆煮的好味,
每當星期六, 日都要煮下比2位老細食
我只會煮一啲比較簡單的比佢2位食,
簡單得黎, 有菜類, 肉類同澱粉都會有齊

真係要獻醜, 同大家分享一下懶人媽媽的20-30分鐘煮好的一餐

材料: 蕃茄, 肉碎, 字母粉或其他粉類

因為我一次過煮2個老細食, 每餐我用大約10蚊攪碎豬肉,
可以同肉枱叔叔講唔要咁肥, 但有少少肥就煮起無咁鞋口
先以生粉, 少少甜生抽醃味

1至2個蕃茄切開8件

粉類量, 按小朋友食量安排

煮法: 蕃茄加水煲滾, 落肉碎至半熟,
再加粉類(如遇粉類要過水, 須先行處理)

大火煮3分鐘, 喜歡的加幾滴雞精調味, 再轉成慢火煮3分鐘
閂火, 加上煲蓋焗至粉類軟身

係倒出食前, 可以把所有蕃茄皮揀出唔要
就係咁, 懶人媽媽的一餐就完成了


呢一餐方便在易煮, 唔駛剪就可以直接餵,
蕃茄有點酸酸地, 開胃小朋友較易入口

遲下介紹埋另一款都係懶人媽媽經常煮的粉

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

跨年6日5夜台灣遊- 後記 之 用品篇

去旅行已經係好多野要準備, 帶小孩去旅行,
更加多野要帶, 衣食住行, 全部都要諗下點安排

衣~~~
大人就天氣黎帶衫已經可以,
但小朋友要帶足, 更要帶多, 好似去台灣咁,
啲天氣同香港相似, 可以帶返同係香港差唔多的衫,
呢次去6日5夜, 基本要帶上7套衫, 厚簿都要帶齊,
仲要帶片片, 如果BB皮膚唔易敏感, 可以選擇去到當地先一包,
細佬已經1歲有多, 每日用片量都可以預計到, 我帶佐20幾片去,
都剩返5-6片返黎, 因B而異啦!
我個人比較喜歡留起試用裝, 出街去旅行用更方便

食~~~
1歲多小朋友, 首先諗係奶粉, 細佬仲媽媽奶中,
所以我唔駛特別帶野去, 要帶奶粉的BB們,
可選擇帶細罐裝, 即棄奶袋式奶欂, 去到只需要洗奶咀就可以
要揼奶媽媽, 就要諗方法黎消毒用品, 可以用微波爐袋, 熱水

加固BB呢, 就要睇返習慣,
細佬1歲我地已經開始比街食物佢食, 無耐更出街都唔帶飯,
台灣食物接近香港, 只要揀啲無咁油同辣就可以,
有媽媽會帶小飯煲去煮飯, 亦可以帶一啲日本的餸包,
只要有白飯, 喜歡可以座熱, 撈飯食就攪掂一餐

水方面, 我一支都無帶去, 腸胃唔好小朋友,
可以帶定水去溝住黎適應, 但要寄倉!

住~~~
有啲BB 未必會適應旅行的床, 建議帶備小朋友的公仔, 枕頭同被仔同行
好似我家2位老細, 家姐要帶包被, 細佬要帶枕頭仔
奶咀記住要帶多過一隻, 唔好彩跌佐都仲有後備

住酒店, 有啲可以預備BB床, 但一定要同酒店預先提出,
更有機會有STEAMER 借用,
如果同大人同睡, 可要求要 DOUBLE BED
住民宿的話, 都可以問問有無機會有BB用物借用
民宿可以上AIRBNB 望望, 好多選擇, 就自己想地點要求慢慢揀
https://www.airbnb.com.hk

行~~~
揹帶絶不可缺少, 出佐街, 太多野吸引,
通常都唔太願瞓, 有條揹帶揹住, 會好過只放車仔

車仔, 帶同5歲以下小朋友, 絶對建議帶車仔
瞓佐唔駛抱住咁辛苦, 同埋好多地方的海關,
有帶車仔同BB同行, 都可以行特快通道過關, 上機更可以優先
台灣捷運上落都好方便, LIFT 上落速度更快過香港幾倍
早2年去新加坡, 都係好方便
寄存行李時同地勤講有BB車到閘口先寄,
就可以用車到上機前, 落機後, 係返機門等返自己部座駕就得啦!

通訊~~~
而家無得一直在線, 簡直係同世界脫節, 去到旅行一樣要!!!!
原本做好功課, 係機場買電話咭用,
但經朋友介紹, 係淘寶訂佐WIFI,
只係6.5人仔一日, 即係唔駛7蚊HKD一日,
任用4G, 電量可以捱到大半日, 朝10用到晚8咁上下,
仲要唔駛訂金, 提取同還機係同一地點,
機場出閘右邊角落頭, 下面我會放埋連結, 有興趣可以上去睇睇
攞機只要講出香港電話碼同訂機人姓名就可以, PASSPORT 都唔駛攞出黎

https://items.alitrip.com/item.htm?id=520699896664&toSite=main

大致上都係呢啲, 最緊要確保旅遊証件有半年以上的有效期,
帶夠野, 夠用之餘, 玩得開心

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/

跨年6日5夜台灣遊- DAY 6 ~ 03/01/2017

黎到最後一日啦, 要返香港啦,
沒有定行程, 原本想最後衝刺去多間親子餐廳,
最後都係決定唔去, 早啲去到機場,
帶家姐去下HELLO KITTY 候機室玩下

由西門町坐的士過去台北車站, 直接買飛上巴士去機場
原本家姐係唔需要錢, 但如果真係無位時, 要抱住佢,
所以我地半費買埋佢車飛, 又唔係好貴

去到機場尚早, 行李未可以寄倉, 只好帶埋行李去食野先

台灣的育嬰室設備都好好, 有濕紙巾, 潤膚膏等等

HELLO KITTY 的主題育嬰室

食完野, 寄好行李, 坐電車由T1 過T2入海關

T2 沿路有好多唔同主題的候機室,
有黑武士, 航空及好多唔同的, 終於行到目的點啦!

HELLO KITTY 主題的候機室
 




玩完就要行返過T1 等上機回港了

6日5夜的HEA 遊, 家姐真係十分開心,
期待著3月尾的FAMILY TRIP

想睇更多 2A o既相, 可以LIKE  黃家 2A 的快樂日誌 FB 頁Facebook: https://www.facebook.com/wongaretha
歡迎邀稿試用E-mail: 2Amamawendy@gmail.com
有關BLOG, 可到以下連結MyBB Blog: http://www.mybb.com.hk/home.php?mod=space&uid=9473&do=blog&view=me
Mamibuy: https://mamibuy.com.hk/home/448/article 生活易WOW: http://wow.esdlife.com/space.php?uid=62614&do=blog&view=me
Blogger: http://2amama.blogspot.com/